Colores Vestimentorum Liturgicorum
Sacerdōs sacrīs vestīmentīs indūtus Missam piē celebrat. Vestīmenta sacerdōtālia variī colōris sunt: albā, nigra, rubra, violācea, viridia. In Nātīvitāte Dominī et tempore paschālī alba vestīmenta vidēmus. Color albus innocentiam laetitiamque significat. In Commemorātiōne Omnium Fidēlium Dēfūnctōrum in nigrō colōre sacerdōs celebrat. In fēstīs martyrum – ōlim patientium, nunc fēlīcium et celebrium – rubra vestīmenta adhibet. Tempore Quadrāgēsimae in violāceō, dominicīs et fēriīs per annum in viridī colōre Missam lēgit.
