Polōnia est omnis dīvīsa in partēs decem, quae sunt: Polōnia Maior, Polōnia Minor, Mazovia, Cuiavia, Silēsia, Pomerānia, Prussia, Polēsia, Ruthēnia Rubra, Podlachiaque. Temporibus hodiernīs Polōnī nōnnūllīs nōminibus novīs ūtuntur. Prussia Masuria et Ruthenia Rubra Subcarpatia appellantur.
Ubi est Polōnia? In Eurōpā est, in Mēdiā Eurōpā. Polōnī in Polōniā habitant. Fīnitimī Poloniae sunt: Germānia, Bohēmia vel Cechia, Slovācia, Ucraīna, Alba Russia, Lithuānia Russiaque.
Nunc Polōnia in 16 (sēdecim) palatīnātus seu vaivodātus (województwa) dīvīsa est; hī in 279 (ducentōs septuaginta novem) castellaniās (powiaty); hae in 2478 (duo mīlia quadringentōs septuaginta octō) commūnia (gminy).
Oppida maximī mōmentī Polōniae sunt: Varsovia, Cracovia, Lodzia, Vratislavia, Posnania, Gedanum, Stettinum, Bidgostia, Lublinum, Civitas Bialostocensis, Catovicia. Oppidum maximum est Varsovia, quae caput Polōniae est.
Vilna, Grodna Leopolisque nōn sunt oppida Poloniae. Ante secundum bellum mundānum (vel Bellum Orbis Terrārum Secundum) erant oppida Polōniae sed hodiē in aliīs terrīs sunt.
Multī sunt fluviī in Poloniā. Vistula, fluviōrum Polonōrum rēgīna est et magnus fluvius est. Vistula est lāta et pulchra. Aliī fluviī Poloniae sunt: Viadrus, Varta, Buga, Narew, San, Noteszque.
In parte septentriōnālī Polōniae montibus Carpathi Sudetaeque sunt. Mons altissimus Rysy appellātur.
