Languages Latin

FORMIDO! sive DE TERRICULO PASSERUM

Written by Ioannes Oculus

This story has been send to me by its author, Anna Madejska. She was so kind to let me share it with you. It was written while she was studying and she said it now sounds too Polish for her. What is your opinion?

FORMIDO!

sive

DE TERRICULO PASSERUM

historia terribilis veraque ab Anna Madejska audita et transcripta

 

Dies erat gravissima et sol aestivus per flavum semitranslucidumque tectum stationis autoraedarum publicarum translucebat, faciens umbram lenem in crepidone. Iohannes Novacus in scamno ephemeridem legens sedebat, opperiensque autoraedam. Altissimum silentium erat, sed repente…

– Sol adurit – dixit aliquis.

– Uhm – respondit temere Novacus.

– Incendia in silvis caloris causa accidere videtur.

– Ut solent aestate candenti – murmuravit acerbe Novacus, paginam vertens, ubi longissimam dissertationem de ardentibus silvis in Portugalia vidit. Condemnantibus oculis in assidentem hominem molestum intuitus est.

Prope hunc formido assedebat, ex cuius sordidis manicis gummeisque calceamentis stramen eminebat. Capite ex lutea lagoena factae duae aures ingentes fuerunt, duoque puncta picta pro oculis, et tenues labeae, inde ab alia aure usque ad aliam extensae.

Lagoena se convertit et nigra puncta ad Novacum prospexerunt.

– Habesne ignitabulum, homo?

Novacus temere manum in sinum imposuit, sed subito eam ex sinu exemit, dicens:

– Domine, quid mihi dicis? Stramineus es! Mori visne, stulte?

– Quid cogitas, eh? – dixit ille. – Tu velles foenum pro cerebro habere?

Novacus humeros agitavit, iterumque ephemeridem legere coepit. Paulo post, agrum suspicens, dixit aequo animo:

– Tu debes in agrum reverti. Aves tuum frumentum populantur.

Formido dentibus frendens hirrivit:

– Qua de causa? Sine mercede? Tu cogitas me stultum? Honorem mihi deesse? Non! Utinam Leptinotarsa Decemlineata me voret, si in agrum revertar!

– Aufer nugas! Permultae formidines, quamquam pecuniam non accipiunt, tamen labores suas faciunt.

– Quod neurospasta sunt, ecce causa! – exclamavit formido. – Oculos non habes?! Non vivae sunt aliae formidines! Ego vero vivo! Moveo, dico; tu haec flocci pendes, homo? Bene; neura, synapses, corticem cerebri aliaque et cetera mihi non sunt, sed cogito! Audis tu? Cogito ergo reverentiam posco! Et mercedem!

Subito coortus est et caput eius in tectum stationis illisit. Tinnivit et crepuit.

– Caput meum dissultat – suspiravit formido miserabiliter. – Vitam difficillimam vivo… Sine dubio brevi tempore diem supremum obibo…

– Omnes dilaniabimur a rostris corvorum et cornicium – citavit Novacus.

– Non ego – murmuravit formido – Apage! – clamavit ad passerem in crepitudinem salientem; hic, cum ex manibus formidinis stramen exciderat, illud lurcare coepit.

– In urbem migrem – dixit formido aequo animo.

– Quo? Quid ibi facere cogitas?

– Semper somniabam me iuris civilis peritum fieri…

– Ha ha hae! Stramineus defensorunculus!

– Iudex fieri malim… Imaginare me albo capillamento iudiciali indutum malleolumque tenentem…

– Ridiculus es! Tu potius in Via Rustica* negotium quaere, quia stramen ex calceis tuis erepit! Ceterum, nunc iudices capillamenta sibi non induerunt.

– Rem publicam gerere mea non interest.

– Ceterum, qui tibi permittet ut studiis incumbas?

Formido propter iracundiam rubuit.

– Audi, homo…

Sed statim autoraeda advenit et Novacus cito ascendit, relinquens ingratum collocutorem. Et oblitus est formidinis, usque ad diem, qui divortio Novaci cum eius uxore in iudicio destinatus est.

 

(* hic Comitia Rei Publicae Polonae sita sunt)

 

 

About the author

Ioannes Oculus

I am addicted to languages, both modern and ancient. No language is dead as long as we can read and understand it. I want to share my linguistic passion with like minded people. I am also interested in history, astronomy, genealogy, books and probably many others. My goals now are to write a novel in Latin, a textbook for Latin learners, Uzbek-Polish, Polish-Uzbek dictionary, modern Uzbek grammar and textbook for learners. My dream is to have a big house in UK or USA where I could keep all my books and have enough time and money to achieve my goals.

Leave a Comment

This site uses Akismet to reduce spam. Learn how your comment data is processed.